包包把頭髮一年幾前因為電傷左，所以髮尾一直都好似掃把咁！
但留左咁多年，又唔捨得剪左佢。之前見依支L'oreal髮尾油推出時，公價係$109，
心諗: 「都唔係平喎....好唔好買黎試呢?」但望過佢背後包裝嘅用法後，
又真係心思思左好耐！結果係萬寧做特價再加折上折，以$76左右就買左~
(Yeah~ 買到平野實在太開心！hehe)
依支係適合中性至乾性髮質用! 若果係中性至油性及染後髮質，就要用另一支紅色嘅~
其實用左佢都有差唔多2個禮拜 (睇到用左一截)，一來忙喇，
二來想試真 D 先出用後報告！好依家入正題！
背面寫咩呢? 走唔甩都係成份同用法喇~ 可能你會話用法都要寫?
咁冇計...包裝嘅野係咁老土~
用法：
1. 洗髮前用作深層滋潤
2. 吹髮前，營造豐盈絲綢柔滑質感
3. 用係乾髮，令頭髮似絲般柔順光滑
主要成份：
睡蓮精華、甘菊精華、鳶尾花方型蘆薈精華、德國洋甘菊精華、玫瑰精華、亞麻精華
嗱~ 我就係見佢寫可以吹髮前用，咁即係依隻油可以耐熱喇.!
其實之前我都成日去旺角 d 髮型用品鋪買好多cream 呀、gel 呀、髮尾油呀....
嗰度d 店員話唔係隻隻髮尾油可以受熱！雖然依度冇寫明係可以防熱，
但標到明可以吹頭前用，我就當做到防熱功能喇~ (想買野種係有千萬種理由)
吱出黎初時聞到陣味覺得好怪！又唔可以話佢臭，隻味有少少似廁所香晶咁....好人工香味，但聞憤左就冇野，而且隻味越黎越淡！至於質感，唔算太稠！亦唔算太油膩，搽完落少少皂液洗手就可以變返爽~
好喇！依張係未搽之前嘅情況！係咪堅似掃把呢? 髮尾完全飛起哂又乾到爆
搽完即刻閃令令，頭髮有返 d 光澤！(當然佢係冇直髮作用，所以我把頭髮仍然係孿孿地)
黎個左右比較，相片右邊就係我搽左髮尾油嘅頭髮！而相嘅左邊嗰堆草，就係冇搽！
好喇~ 兩邊搽哂兩邊頭髮嘅效果就係好似上面依張圖咁！用左依支油，髮尾真係冇咁散嘅~ 不過又未去到神級嘅地步....始終都係幾十蚊貨仔! 若果你嘅髮質同我一樣咁傷，搽咩都好...d 頭髮都好快又吸哂索哂變返乾憎憎，咁就要定時定候補下油喇~
歡迎電郵聯絡產品試用和出席活動 → Email：mind2wild@gmail.com
【Facebook 專頁】: 莎包 Mind Too Wild電影誌
【Instagram】@mind2wild
發佈留言