心諗：咦！正喎~ 開正我口味~
【先睇故事簡介】：
傳說，二百年前瘋狂科學家法蘭斯坦妄想僭越上帝之位，創造了「科學怪人」阿當 (阿朗艾克 飾)，法蘭斯坦死後留下阿當永生不滅的秘密，令正邪勢力都想奪取；一向獨來獨往的阿當無可避免陷入這一場驚動人間的神鬼之戰…
【包包影評】：
包包其實好鍾意睇科幻、動作、暴力、血腥嘅電影 (以前唔怕血腥，但依家老咗個心臟有時受唔到，只可以係屋企較細個視窗嚟睇 =__=" )，所以《妖夜尋狼》、《加勒比海盜》同《義勇群英之毒蛇風暴》全部都睇過哂~
滿懷期待等《妖魔行者》上畫，點知睇完真係 __！一聲 (請自行填一個字入去)， 好彩我係上網睇嘅啫~
成套戲大約90分鐘，唔知係咪片長太短，所以好多地方都求其交代，內心戲描寫又唔夠細膩。
先講感情線，Adam (男主角) 本身對於夜行龍族同惡麼兩邊都唔幫，但極輕易為咗嗰人類女博士 ，就加入對付惡魔。戲入面完全感覺唔到 Adam 同女博士有咩特別感情，大家一齊經歷又唔多，只係女博士對佢好少少啫~ 其實夜行龍族個女皇都對佢唔差架喎!
講特技方面，夜行龍族個個樣同惡魔差唔多，初時睇真係唔知邊個忠邊個奸！尤其係打起上嚟嗰陣，個畫面亂到爆，我只可以靠佢地死後化出嚟嘅光去驅分...(夜行龍族被殺死會化為藍光；惡魔就會化為橙光)
最雞嘅就係臨尾「打大佬」對付惡魔王子嗰陣，個惡魔王子打Adam 幾野，之後發現Adam 原來都有靈魂無被惡魔附體而震驚得濟，即時被人收皮！完全馬虎了事！
總結：如果你真係好想睇 CG 效果嘅，就入戲睇喇....否則真係睇Trailer 就算喇...最好睇嗰d 部份都已經剪接成 Trailer, so sad~
↓↓↓想知更多電影相關資訊、影評，請關注及訂閱↓↓↓
【Facebook 粉絲專頁 】: http://www.facebook.com/Mind2Wild
發佈留言