【觀後感】《屍奶俱樂部 / Peelers》：對付喪屍的手法算有點創意

依套《屍奶俱樂部 / Peelers》又話係《奪魂攝影機 / Skew》Sevé Schelenz自編自導橫掃全球各大影展，又話係《超人：鋼鐵英雄》、《超人類：卓比》幕後班底聯手打造，講到被咁犀利，適逢佢係喪屍片，開正我嗰範，當然要睇下喇！

劇情講述某個小鎮有間就嚟執笠嘅脫衣舞俱樂部，喺最後一晚營業嘅時候嚟咗班礦工，點知其中一個人飲飲下酒唔舒服入咗屎坑喪嘔，之後就無啦啦變咗喪屍...

啱啱開始嗰陣，當然例牌無人發現，所以班脫衣舞孃如常表演。露點場面一定有，甚至有條女竟然玩當眾痾尿 (放心！嗰鏡頭唔係住私處，所以你當佢表演淋花就得 XD）

你有你表現，另一邊廂喪屍就開始行動見人就殺。其實佢地變成喪屍嘅原因，係因為喺煤礦入面發現石油，只要接觸過石油嘅人，就會變喪屍，咁都算係有少少新意嘅。不過變咗喪屍嘅礦工只喺成眼白都變黑埋，加上七孔流出黑色液體，似中邪多啲！

女主角Blue 亦即係脫衣舞俱樂部嘅老闆，主要用棒球嚟對付喪屍 (但劇情無交代佢點解咁叻打棒球），個樣唔靚，但勝在身形平均，近片尾先會露點！

與一般喪屍片不同之處，就係對付喪屍嘅手法，一般我地睇《28 Days Later》、《The Walking Dead》、《 Dawn of The Dead》等等，都係要爆頭，隻喪死先死，但依套戲就大玩物理現象！

正如上面提到感染原因係來自石油，所以水溝油就可以殺死班喪屍，於是班死剩種諗住開水喉噴死啲喪屍，點知好衰唔衰，因為被業主Cut哂水電，佢地只好用啤酒對付喪屍 (依戲入面講法，啤酒有95%係水份)。

至於血腥場面，真係好小兒科，而且佔全套戲嘅極少百份比，基本上似睇戲情片多過喪屍片。

評分 (每項滿分為5★）

血腥度：★  ＞＞睇慣重口味嘅人，自然覺得無料到
劇情：★★★ ＞＞因為喪屍感染原因同對付方法比傳統嘅概念新，所以補多1粒星
氣氛：★半 ＞＞唔恐怖、唔緊張、少少笑點但我笑唔出
結局：★★半 ＞估唔到阿仔最後奶咗嘢，同埋解釋返架電單車係點得返嚟
推薦度：★★半 ＞＞都OK喇，普普通通當劇情片咁睇

✅請支持及讚好 【Facebook 專頁 】: 莎包 Mind Too Wild電影誌

✅喜歡我的文章，請按分享／Share！

📣Follow 我的IG ▶️instagram.com/mind2wild

※聲明：本站所有圖片由出租DVD擷取或是由Google搜尋轉貼，該影像財產權仍屬該公司版權所有，如有侵權煩請告知，本人會立即移除。※