【父親節必睇喜劇│2023年6月份電影】羅拔迪尼路《教父冇限耆》 About My Father

身為屋企嘅一家之主，老豆當然係全家嘅英雄；但係每個老豆都好似有陣𤓓味，仲要教極都唔化。今個父親節，係時候要帶埋爸爸入戲院，調教一番！「教父」羅拔迪尼路（Robert De Niro）再次發揮笑匠功力，孭飛主演全新喜劇《教父冇限耆》（About My Father），出位程度更勝《PARTY冇限耆》（Dirty Grandpa）。「教父」今次化身爆笑𤓓爸，一邊教仔，一邊反過嚟俾仔調教！奧斯卡影帝羅拔迪尼路，聯同《綠簿旅友》（Green Book）斯巴頓馬尼卡高（Sebastian Maniscalco），攜手玩轉父子親情；《辣手保姆：女王蜂》（The Babysitter: Killer Queen）賴絲莉碧（Leslie Bibb）、《色慾都市》（Sex and the City）系列甘嘉德露（Kim Cattrall）、《見習冇限耆》（The Intern）安德斯荷姆（Anders Holm）齊齊合力引爆笑彈，炮製既搞笑又窩心嘅家庭喜劇，絕對係父親節必睇之選！

劇情簡介:

「教父」羅拔迪尼路搞笑窩心父親節必睇之作，出位程度更勝《PARTY冇限耆》！廿四孝老豆沙寶（羅拔迪尼路　飾）一直將自己做人嗰套，灌輸俾阿仔斯巴頓（斯巴頓馬尼卡高　飾），可惜「仔大仔世界，越大越變壞」！斯巴頓結識富二代女友後，嫌草根老豆太過失禮；但為咗求婚，被逼帶住𤓓爸見未來親家。斯巴頓為避免尷尬，決定落力調教老豆，點知沙寶依然失晒控：佢同超豪親家唔止生活習慣撞到啪啪聲，兩父子仲搞出連串𤓓爆大鑊！到底係爸爸太𤓓，抑或阿仔要求多多，呢場超瘋癲見親家之旅，究竟點收科？

香港上映日期：2023年6月15日（暫定）

電影預告:

【課金贊助】→ 

📍 📣Follow IG ▶️instagram.com/mind2wild

✅Facebook 專頁 : 莎包 Mind Too Wild電影誌

✅喜歡我的文章，請按分享／Share！

※聲明：本站所有圖片由出租DVD擷取或是由Google搜尋轉貼，該影像財產權仍屬該公司版權所有，如有侵權煩請告知，本人會立即移除。※