趕走包包面 - 先分清自己肥面類型

減肥係女仔嘅終身事業，但好多時瘦到個身偏偏瘦唔到塊面。點架會咁架??? 其實普遍而言，包包面分為三種：水腫型、肌肉型和天生腮骨闊大型。了解左自己屬於邊類型先可以正下藥架~

水腫型: 多數平日鍾意飲凍野或睡前飲太多水、睡眠不足和飲食偏鹹等造成，這都會減慢血液循環，令過多水份積存於肌膚表面。

肌肉型: 東方人嘅咀嚼肌天生特別發達。所以成日食堅韌嘅嘢或咀嚼時間長，都會令面部變闊。

天生腮骨闊大型：天生骨架大，面部骨骼偏大，，即所謂嘅「國字面」，就算塊面冇乜肉都畀人覺得係包包面。