【愛我請留言】我哋好應該「無野搵野黎搞」

「愛我請留言」進入結局篇，依套劇之所以越睇越好睇，相信源於編劇們應該都係受過愛情重傷嘅人，懂得拿捏戀愛中令人窩心的、令人心酸的對白及情節。

大家都試過分手，正如《那誰》旁白都講過：「全球被搜尋次數最多的語句,係"h­ow to forget someone"... 」到底要點做先可以盡快忘記依個人？

依套劇帶出咗一個重要嘅自救方法，就係「無野搵野黎搞」！

失戀嗰陣，有人會寄情工作；有人會喪蒲；有人會喪食； 有人會喪唱K，亦有人會自暴自棄。但依啲舉動終有時限，返工唔可能返足24小時（你硬要係屋企做公司嘢我無你符），亦都無可能日光日白走去蒲，所以「無野搵野黎搞」，真係可以令時間就會過得快啲，過咗你都唔知～

photo credit: http://bit.ly/1hcXHD8

包包幾年前，試過差唔多嘅方法！就係放工或放假時，會隨便搵一個地方行街，影低沿途風景或事物，記下那一刻感覺。然後開了一個相簿叫做「遊歷」。

講真⋯⋯唔一定要去外國先叫遊歷。香港有好多地方未去過，就算係去過嘅地方，現今社會每日在變，第二日細鋪變藥坊或連鎖便利店！變到你驚～ 而依個做法，咪就係「無野搵野黎搞」囉～ 咁又hea 咗啲時間，又過一日！

講到底，其實都係最老土嘅一句說話：「時間可以醫好一切！」

要記住：「沒有過不去的事情，只有過不去的心情！」

送畀仍然輪迴係失戀傷痛嘅你，共勉之～

↓↓想知更多電影相關資訊、影評，請關注及訂閱↓↓↓

【Facebook 粉絲專頁 】: http://www.facebook.com/Mind2Wild 

【Youtube 頻道】： http://bit.ly/1SB5cmq 

★ ☆★ ☆★ ☆★ ☆★ ☆★ ☆★ ☆★ ☆★ ☆

莎包 Mind Too Wild

Promote Your Page Too

★ ☆★ ☆★ ☆★ ☆★ ☆★ ☆★ ☆★ ☆★ ☆