中咗伏。。。唉！等我先畀大家睇睇電影大綱，再講中伏要點。
故事大綱：
蠻荒大地上，人類造孽惡貫滿盈。造物主決心以一場無盡豪雨，讓一切罪惡及人類從此淹沒；唯有受命於天的挪亞 (羅素高爾 飾) 才可獨善其身 ，有資格帶領家人和生靈萬物逃過一場浩劫；為人類、地球上不同物種挽留最後血脈。造物主暗中遣派巨靈石獸守護挪亞一家。正當爭分奪秒打造方舟求生之際，挪亞兒子Shem(德格拉斯保夫 飾) 和Ham (盧根利文 飾) 卻同為戀上養女Ila (愛瑪屈臣 飾) 而兄弟反目。Ham為此不惜陰謀勾結挪亞家族的世仇Akkad。大限將至，為爭奪方舟和逃出生天的唯一機會，Akkad、Ham和冥頑不靈的罪人向挪亞發動洪荒滅世前的正邪最後激戰…
睇完簡介加埋trailer，真係以為佢會有好驚人場面，其實除左CG比較好，真係得一個字去形 容成套戲：『悶』！（可能因為我無宗教信仰，所以唔會覺得好睇）
頭一個鐘主要都係講挪亞執行天主畀佢嘅任務，先得到啟示再尋找佢爺爺指點迷津。中間好多細節畀人感覺好唔make sense～ 就例如佢地住嘅地方，周圍好荒蕪，草都係得幾條，又唔去打獵，咁到底佢地食乜呢？雖然導演係想帶出人類濫用資源而導至生靈塗山炭、環境被破壞，但手法偏向極端、唔合情理。
而餘下嘅一個鐘，重點講興建方舟期間，該隱嘅後代為咗奪走方舟同資源，決意開戰。正當大家以為有一場激戰嘅時候，原來乜都無⋯⋯
好喇～諗住睇下洪水嘅場面有幾勁，點知洪面場面又唔係好多。主要都係描寫挪亞嘅內心掙扎，與家人之間嘅分歧。真係悶到瞓著！
而妙麗（Emma Watson)雖然大個女，靚咗成熟咗，但演技只屬一般，尤其係方舟上生仔一幕，佢嘅表情假到呢⋯⋯相信我哋M痛時個樣，仲迫真過佢！
總結：
我嘥咗50蚊浪費咗2個鐘去睇套悶戲，依套又係雷聲大雨點少嘅作品，trailer已經係將做好睇嘅部份呈現哂出嚟！勸大家都係唔好入場睇喇～
※聲明：本站所有圖片由出租DVD擷取或是由Google搜尋轉貼，該影像財產權仍
發佈留言
EmoticonClick to see the code!
To insert emoticon you must added at least one space before the code.