0

Netflix 向來最好睇嘅片種...係紀錄片,所以尋晚開咗依套《陌路三胞胎》嚟睇。

故事大綱:
三個青少年偶然相遇,發現彼此是出生即失散的同卵三胞胎,他們非常歡喜,然而後來真相大白。

整個故事都要訪談組成,除了主人翁外, 仲有當時報導依件事嘅記者、曾參與過依項研究嘅博士助手。先由輕鬆敍事手法,帶出Eddie、Bobby、 David 三兄弟如何神奇地重聚,然後慢慢揭露當初的分離,完全都係一個精心佈局!

表面上話係研究同卵雙胞胎(或多胞胎) 被分別送到唔同社會階級家庭領養,從而解開人類遺傳基因 (先天)同後天養成對性格的影響。


但實際上,依項研究到依家都仲未公佈任何研究結果 (相關檔案被封存喺耶魯大學,要到2066年先可以開封),莫講話會幫到醫學界,實際都無幫到任何人,更促使慘案發生,對Eddie、Bobby、 David 造成永久傷害。無錯...依個傷害涉及人命,喺錯宗複雜故事之中(因為太長依度唔講喇, 有心就自己睇),Eddie 患上抑鬱症,最後自殺身亡。


其實之前喺網上都睇過依單案件,但當時無深入去了解,直到尋晚睇哂成套片,覺得成件事好L 仆街!我覺得當年美國政府應該有份參與。 

至於嗰個策劃依個研究嘅兒童精神學家彼得‧紐鮑爾(Peter B. Neubauer),一早就死L咗,但佢有94歲命,真係好唔公平。睇完成套片之後,個人好扯火,到依家仲躁躁地...

有興趣嘅朋友可以去Netflix 開嚟睇,睇完應該會明白點解我咁嬲。

Facebook 專頁 : 莎包 Mind Too Wild電影誌
📍 加入 MEWE【電影劇集中伏分享區】盡情劇透、爆雷
喜歡我的文章,請按分享/Share!
📣Follow IG ▶️instagram.com/mind2wild


※聲明:本站所有圖片由出租DVD擷取或是由Google搜尋轉貼,該影像財產權仍屬該公司版權所有,如有侵權煩請告知,本人會立即移除。※

發佈留言

 
Top