繼《美國隊長2》之後，Marvel 另一套英雄電影《蜘蛛俠2: 決戰電魔》終於係五一勞動節上映！包包當然唔會錯過，放假都一早起身入場睇喇～ 唔講咁多，一齊睇下故事大網。
電影大綱:
眾所周知，身為蜘蛛俠最大的挑戰就是面對自己的雙重身份–既要做好平凡人柏加，又要做非凡蜘蛛俠身張正義，但於《蜘蛛俠2：決戰電魔》中，柏加要面對的矛盾繼續升級……對柏加（安德魯嘉菲 飾）來說，做蜘蛛俠非常過癮–高樓之間飛簷走壁、受人們英雄式擁戴、與摰愛史黛茜﹝愛瑪史東 飾﹞一起……但英雄有價，蜘蛛俠亦只能一力承擔起保護紐約市民的責任。這次面對著新銳強敵「電魔」(Electro)﹝占美霍士 飾﹞的崛起，以及「老友」Harry（戴恩迪翰 飾）回歸，柏加意識到他的敵人均有一個共通點，就是都來自OsCorp！
先同大家講解一下，自Tobey Maguire話唔再拍蜘蛛俠後，電影公司搵嚟更年輕演員Andrew Garfield做Peter Parker。所以，由2012年開始，蜘蛛俠系列則改名為「The Amazing Spider-man」！電影劇本變得更忠於漫畫原著，亦返回蜘蛛俠最開初時期 － 高中及大學時代。
事隔兩年蜘蛛俠回歸，今集Peter同女友Gwen已經係大學畢業生, 人大咗就自然要面對更多人生問題，而蛛蛛俠都唔例外⋯⋯分手、粉絲變頭號敵人、好友入魔，甚至反目成仇, 更要拆解父母離開嘅真正原因。
今次大奸角由Jamie Foxx擔任，佢飾演一個極度不起眼、愛幻想又性格古怪嘅電機工程師。依種角色發揮度大，亦難唔到依位雙料影帝。要挑剔的話，就係當佢做咗電魔後，實在太CG感覺佢已經唔係佢演戲。
至於特技方面，大家可以放心！Marvel 系㓚一定無走雞，多場炒車場面都做得好好！值得留意嘅係近後段2架飛機差啲相撞嘅場面都做得唔錯！
另外，大家亦都要多注意第二奸角－綠魔，包包成日覺得佢好似Leonardo Dicaprio，而且我覺得今次依集佢出色過男主角。
雖然有Jamie Foxx助陣，特技又唔錯，但若果你問我：《美國隊長2》同今集蛛蛛俠邊套好睇D？我一定會話係美國隊長！
首先女角方面，Scarlett Johansson 「Hot」過Emma Stone。二來打鬥場面嚟講，美國隊長係埋身肉博，會令人緊張D。而劇情上，若果大家有睇過我嘅《美國隊長2 影評， 就知隊長無悶場，緊張位係一浪接一浪，但蛛蛛俠節奏則偏慢，有時覺得好拖戲。
總結:
我會畀70分依套戲！其實普普通通嚟講，揀2D睇都OK，至少無咁肉赤。若果係hardcore fans 咁唔好諗，睇3D喇～ 之前都講過架喇~ 睇Marvel系列，其中一定要做嘅，就係等佢出哂Credits 睇埋預告先好走喇！但今次嘅預告唔係講蛛蛛俠，今次我賣個關子，大家比D耐性，自己睇下係咩喇！
▼想知更多電影相關資訊、影評，請Like/讚好我的Facebook 專頁▼
【Facebook 專頁 】: 莎包 Mind Too Wild電影誌
※聲明：本站所有圖片由出租DVD擷取或是由Google搜尋轉貼，該影像財產權仍屬該公司版權所有，如有侵權煩請告知，本人會立即移除。※
發佈留言